Por fín se constituíu o Comité Intercentros de Seguridade e Saúde Laboral para os centros educativos da Consellería de Educación. Despois de ano e medio da publicación do acordo de participación en materia de Prevención de Riscos asinado entre Xunta de Galicia, CSI-CSIF,CCOO e UGT no ámbito da Administración Pública, e de varias solicitudes dirixidas por CSI-CSIF á Consellería para que procedera á constitución do citado comité, onte, 1 de -Febreiro, por fín púxose en marcha coa constitución do mesmo. Este comité, con carácter paritario, estará formado por 10 membros, cinco pola parte da Adminsitración e cinco pola parte social (un por cada sindicato presente na Mesa Sectorial).
Ademáis da constitución do Comité, nesa xuntanza tamén se estudiou o borrador do reglamento e se avanzou na elaboración dun calendario de actuacións, entre elas, a constitución dos comités provinciais.
CSI-CSIF valora como moi positivo a constitución deste comité, para que dunha vez por todas se aborden os temas de prevención no ámbito educativo. Entre outras cousas, é moi importante o estudio das enfermidades do profesorado e o recoñecemento e consideración destas enfermidades como profesionais.
